დღეს, 31 მარტს, შვედეთის საგარეო საქმეთა მინისტრი კარლ ბილდტი საქართველოში ჩამოვა. ბილდტში საქართველოში 30 მარტს უნდა ჩამოსულიყო, მაგრამ როგორც "ჯი-ეიჩ-ენს" საგარეო უწყებაში განუცხადეს, ვიზიტი ერთი დღით გადაიდო.
უცხოური მედიის ინფორმაციით, ბილდტის ვიზიტის განრიგის შეცვლა ლიბიაში მიმდინარე მოვლენებს უკავშირდება.
დაგეგმილი ვიზიტის ფარგლებში შვედი დიპლომატი ქვეყნის უმაღლესი რანგის პირებთან გამართავს შეხვედრას, მათ შორის კარლ ბილდს პრეზიდენტი მიხეილ სააკაშვილი, პარლამენტის თავმჯდომარე დავით ბაქრაძე, უშიშროების საბჭოს მდივანი გიგა ბოკერია მიიღებენ. შეხვედრები გაიმართება საგარეო საქმეთა და იუსტიციის სამინისტროებშიც.
