კოსოვოს პრეზიდენტმა ბეჯეტ პაკოლიმ პოსტი მას შემდეგ დატოვა, რაც რეგიონის საკონსტიტუციო სასამართლომ მისი არჩევა უკანონოდ მიიჩნია. ამის შესახებ "როიტერი" პაკოლის თანაშემწეზე დაყრდნობით იტყობინება.
კოსოვოს საკონსტიტუციო სასამართლომ ოპოზიციის საჩივარი განიხილა და განაცხადა, რომ 22 თებერვალს პარლამენტის სხდომაზე პაკოლის არჩევა არაკანონიერი იყო.
მოსამართლეთა უმეტესობამ მიიჩნია, რომ ხმის მიცემისას პროცესუალური დარღვევები მოხდა.
ამ ეტაპზე გაურკვეველია, პრეზიდენტის პოსტზე პაკოლის კანდიდატურისთვის ხმის მიცემა თავიდან მოხდება, თუ ამ პოსტზე სხვა პოლიტიკოსს აირჩევენ.
