"ფუკუსიმას" ატომურ ელექტროსადგურზე მომხდარი დაზიანების უტილიზაციას, შესაძლოა, 30 წელი დასჭირდეს. რეაქტორის მმართველ კომპანიას დაზიანების ლიკვიდაცია 12 მილიარდი დოლარი დაუჯდება. ამის შესახებ სააგენტო "ბლუმბერგი" ინჟინრებსა და ანალიტიკოსებზე დაყრდნობით იტყობინება.
ბლუმბერგის ინფორმაციით, ექვსი რეაქტორიდან ოთხი მას შემდეგ გამოვიდა მწყობრიდან, რაც ხელისუფლებამ და ენერგეტიკოსებმა იგი ზღვის წყლით აავსეს, რათა რეაქტორი გადახურებისგან დაეცვათ.
ექსპერტის თქმით, დაზიანებული რეაქტორის დემონტაჟი და უტილიზება, შესაძლოა, მას შემდეგ განხორციელდეს, რაც იგი გაცივდება და რადიაქტიული ნივთიერებებისგან გათავისუფლდება.
"ამ პროცესს 30 წელზე მეტი დასჭირდება",_მიიჩნევენ სწავლულები.
შეგახსენებთ, 11 მარტის შემდეგ "ფუკუსიმას" მმართველი კომპანიის აქტივები 70%-ით გაიაფდა და მისი საბაზრო ღირებულება 12 მილიარდ დოლარამდე დავიდა.
