ლიბიის დიქტატორ მუამარ კადაფის რვა შვილიდან ერთადერთი ქალიშვილი მოწინავე ხაზზე მიდის, რათა მამის ერთგული მებრძოლები გაამხნევოს.
"მუამარ კადაფიმ ამბოხებულთა წინააღმდეგ თავისი საიდუმლო იარაღი გამოიყენა _ სექსუალური ქერა ქალიშვილის, აიშას სახით", _ წერს ბრიტანული გამოცემა "დეილი სტარი".
გამოცემის თქმით, სამი შვილის დედა, 34 წლის აიშა მაკიაჟის გარეშე, თავსაფრით გაემართა ფრონტზე. ეს მაშინ, როცა იგი, ჩვეულებისამებრ, ცნობილ დიზაინრებთან იმოსება. კადაფის მემკვიდრე გულმოდგონედ არწმუნებდა ჯარისკაცებს, რომ მამამისი "უდიდესი ადამიანი და ლიდერია".
კოალიციის ძალების მიერ ლიბიის დაბომბვამდე აიშას, რომელიც მამას მხარს უჭერდა, გაეროს კეთილი ნების ელჩის წოდება ჩამოართვეს.
გავრცელებული მოსაზრებით, აიშამ დასავლეთი მას შემდეგ აითვალისწუნა, რაც 1986 წელს მისი ნახევარდა, ჰანა, 10 წლის ასაკში ტრიპოლიზე ამერიკის ავიაციის რეიდის დროს მოკლეს.
"ჩემი დის ყვირილმა გამაღვიძა, მისი სისხლის წვეთები მეც შემესხა", _ იხსენებდა აიშა.
2006 წელს კადაფის ასული თავის ბიძაშვილს, ახმედ ალ-კადაფის გაჰყვა ცოლად. აიშა ერაყის ყოფილი პრეზიდენტის, სადამ ჰუსეინის ადვოკატადაც მუშაობდა.
