საქართველო ყოველწლიურად დაახლოებით 8-იდან 9 მილიარდ კილოვატსაათამდე ელექტროენერგიას მოიხმარს. 2005-2006 წლებში საქართველომ შემოიტანა 1,3 მილიარდი კვ საათი. 2010 წელს საქართველომ ექსპორტზე გაიტანა 1,3 მილიარდი კილოვატსაათი ანუ იგივე რაოდენობა. ამის შესახებ საქართველოს პრემიერ-მინისტრმა ნიკოლოზ გილაურმა პარლამენტში, სამთავრობო დებატების შეჯამებისას განაცხადა.
გაზის მოწოდება საქართველოში არ შეჩერებულა არც ერთი წუთით, იმიტომ, რომ გვაქვს დივერსიფიცირებული მოწოდება და გვაქვს "სოკართან" ძალიან კარგი ხელშეკრულება.
გასული წლის განმავლობაში ქვეყნის ელექტროენერგიის მოხმარება გაიზარდა 10 პროცენტით. თუ ჩვენს ქვეყანაში ენერგობალანსში გაზზე გამომუშავებული ელექტროენერგიის რაოდენობა შემცირდება, შემცირდება ქვეყნის მიერ შესყიდული გაზის რაოდენობაც.
