საქართველოს პრემიერ-მინისტრი ნიკა გილაური წამლების ფასების ზრდასთან დაკავშირებულ კრიტიკას უსაფუძვლოდ მიიჩნევს. ამის შესახებ გილაურმა პარლამენტში გამოსვლისას განაცხადა.
მისი თქმით, გასულ წელს, როცა პარლამენტმა წამლის შესახებ ახალი კანონი მიიღო, რამდენიმე თვეში ბევრმა მცირე კომპანიამ გაიაფებული წამლები შემოიტანა.
გილაური აცხადებს, რომ ამ კომპანიებს მოგვიანებით შეუერთდნენ მსხვილი დისტრიბუტორები და დღესდღეობით აფთიაქებში წამლების ფასები საგრძნობლად შემცირებულია.
"2009 წელთან შედარებით, 2011 წელს დიაბეტონის ფასი შემიცრებულია 28 პროცენტით. ნიმესილი შემცირებულია 56 პროცენტით. ნოშპა_ 52 პროცენტით და ა.შ. საშუალო ფასის შემცირება დაფიქსირდა 40-45 პროცენტით",- აცხადებს გილაური.
მისი თქმით, მთელ რეგიონში ჩატარებული კვლევით, 67 წამლიდან 37 წამალზე საქართველოში ყველაზე დაბალი ფასებია. დანარჩენ 30-ზე კი სიიაფით მეორე ადგილზეა.
