საქართველოს პრემიერ-მინისტრ ნიკა გილაურის განცხადებით, ახალი კურსის მთავარი მიზანი არის შემოსავლების სამსახური იყოს ბიზნესის და კერძო სექტორის მთავარი მეგობარი.
"რაც შეეხება საგადასახდო ორგანოებს, იყო გაკვეული კრიტიკა ამ ორგანოების მიმართ. კიდევ ერთხელ მინდა ხაზი გავუსვა იმ პოლიტიკას რომელიც ჩვენ გვქონდა და დღეს გვაქვს. დღეს ჩვენ გვაქვს ახალი კურსი, რომლის მთავარი მიზანია საგადასახადო და საშემოსავლო სამსახური იყოს ბიზნესის და კერძო სექტორის მთავარი მეგობარი. თუმცა ეს მიზანი არ იყო ჩვენი მამოძრავებელი ძალა რამდენიმე წლის წინ. ჩვენი მთავარი ძალა იყო კორუფციასთან ბრძოლა, და ის რომ ყველა გადამხდელს გადაეხადა გადასახადი. არა იმიტომ რომ მხოლოდ და მხოლოდ ბიუჯეტი შევსებულიყო, არამედ იმიტომ რომ სწორი კონკურენცია ყოფილიყო ბაზარზე. ჩვენი მიზანი იყო საგადასახადო კულტურის შემოტანა საქართველოში და ეს ჩვენ დავამკვიდრეთ", - განაცხადა გილაურმა.
მისი თქმით, შემდეგი ეტაპია უკვე ის, რომ საშემოსავლო სამსახური და საგადასახადო ორგანოები გახდნენ უფრო სხვა პროფილის მატარებლები, „გახდნენ ნამდვილი პარტნიორები კერძო სექტორის. გასულ წელს და წელს, 1 იანვრიდან ეს კოდექსი არის ამოქმედებული და წელს არის ის სახეშცვლილი საგადასახადო სამსახური რომელიც ასე მნიშვნელოვანია ეკონომიკური წინსვლისთვის".
