საქართველოს პრემიერ-მინისტრ ნიკა გილაურის მტკიცებით, ქვეყანა რეცესიის პროცესიდან გამოსულია.
"დღეს ნამდვილად შეგვიძლია ვთქვათ, რომ ქვეყანა გამოვიყვანეთ კრიზისიდან, რეცესიიდან, რომ ქვეყანას ავარიდეთ მაკროეკონომიკური საფრთხეები. ეს იმის დამსახურებაა, რომ დროულად შევიმუშავეთ ანტიკრიზისული გეგმა... საქართველოს ეკონომიკა კრიზისიდან გამოსულია და ეკონომიკური ზრდაც სახეზეა", - განაცხადა გილაურმა პარლამენტში, სამთავრობო დებატების ფარგლებში შემაჯამებელი მოხსენებით გამოსვლისას.
ამასთან, მთავრობის ხელმძღვანელის განმარტებით, საქართველო ერთადერთი ქვეყანაა რეგიონში, რომელსაც დადებითი ეკონომიკური პროცესის ზრდა გვაქვს.
"ქვეყანას გააჩნდა კონკრეტული ანტიკრიზისული გეგმა და ჩვენ მას ვასრულებთ... იმ დროს, როდესაც მთელს რეგიონში საპენსიო სისტემები ჩამოიშალა, პენსიები და ხელფასები შემცირდა, საქართველოში 2010 წელს 6,4 %-იანი ეკონომიკური ზრდა დაფიქსირდა, ჩვენ გვაქვს გაზრდილი ხელფასები მასწავლებლებზე და ჩვენ ვზრდით პენსიების 2011 წლის 1 სექტემბრიდან. ამასთან, ჩვენ შევავსეთ გადასახადები 2009 წელს, მაშინ როცა ეს ვერცერთმა ქვეყანამ ვერ შესძლო", - აღნიშნა გილაურმა.
