ავღანეთის პრეზიდენტ ჰამიტ კარზაის განცხადებით, ნარკოტიკული საშუალებების ზემოქმედების ქვეშ, ამერიკელმა სამხედროებმა გასულ წელს "გართობის" მიზნით სამი ავღანელი მშვიდობიანი მოქალაქე მოკლეს.
მისი თქმით, აღნიშნულ დანაშაულში მონაწილეობა მე-5 ბრიგადის ხუთმა ჯარისკაცმა მიიღო.
ეს კარზაის პირველი კომენტარია ფაქტის ამსახველი ფოტოების გავრცელების შემდეგ.
ფოტოებში ჯარისკაცები გვამებთან "პოზიორობენ".
აღნიშნული ფოტოები ჟურნალებში - "როლინგ სტოუნ" და "დერ შპიგელში" გამოქვეყნდა.
ჯარისკაცებს ამერიკის შეერთებულ შტატებში განზრახ მკვლელობის ბრალდება წაუყენეს.
