საპარლამენტო უმრავლესობის წევრი გიორგი გოდაბრელიძე ოპოზიციას ბიუჯეტის წაკითხვის უცოდინრობაში ადანაშაულებს. ამის შესახებ გოდაბრელიძემ დღეს, პარლამენტის რიგგარეშე პლენარულ სხდომაზე სამთავრობო დებატების დროს განაცხადა.
მისი თქმით, პოზიციას თუ სურს სოფლის მეურნეობისთვის გამოყოფილი 150 მილიონის ხილვა მხოლოდ "ბოლო ციფრებს არ უნდა უყურონ" და მისი ამოკითხვა მთელ ბიუჯეტში შეუძლიათ.
"მარტო ბოლო ციფრი არ უნდა წაიკითხოთ სოფლის მეურნეობის სამინისტროზე. ეს თანხა შეიძლება სხვაგანაც იყოს და არა მხოლოდ სოფლის მეურნეობის კოდის ბოლო ციფრზე. კარგად წაიკითხეთ ადგილობრივი ბიუჯეტები, რეგიონალური ბიუჯეტები და მიხვდებით, რომ სოფლის მეურნეობისთვის უფრო მეტია გათვალისწინებული", - განაცხადა გოდაბრელიძემ და აქვე დასძინა, რომ დაპირებულ 150 მილიონში კერძოს სექტორიც არის ჩართული და აგრარულ სექტორი ბიზნესმენებისთვისაც საინტერესო სფერო გაჩნდა.
ამას გარდა, გიორგი გოდაბრელიძის შეფასებით, მას დებატებისას ოპოზიციამ იმედები გაუცრუა, რადგან მათ არ აინტერესებთ ის, რაც ქვეყანაში რეალურად კეთდება და მხოლოდ ბუნებაში არ არსებული მაგალითები მოჰყავთ.
"არავინ ამბობს, რომ დავების საბჭო გაუმჯობესდა, ომბუდსმენი გაჩნდა, რომ მეწარმე არ დაჯარიმდეს და მხოლოდ გააფრთხილონ. ოპოზიცია არ საუბრობს რეგიონალურ და სავაჭრო ლოჯისტიკურ ცენტრად ჩამოყალიბებაზე", - დასძინა დეპუტატმა და აქვე დასძინა, რომ ხელისუფლებამ კარგად იცის, რომ გასაკეთებელი კიდევ ბევრია.
