"ქრისტიან-დემოკრატები" საგანგაშოდ მიიჩნევენ საქართველოში მართლმსაჯულების მდგომარეობას და საჯაროდ ისაუბრებენ ყველა იმ გამამტყუნებელ განაჩენზე, რომელიც კანონის დარღვევით გამოიტანა მოსამრთლემ. ამ მიზნით პარტიაში შეიქმნა ორი სამუშაო ჯგუფი.
ქდმ-ს პატიმართა უფლებების დაცვის კომიტეტის ინფორმაციით, 2010 წლის განმავლობაში თბილისის საქალაქო სასამართლომ 26 172 საქმე განიხილა, რაც 22,2 %-ით აღემატება 2009 წელს განხილულ საქმეთა რაოდენობას. გამამართლებელი განაჩენი გამოუტანეს მხოლოდ 3 პირს, ხოლო ნაწილობრივ გამამართლებელი -18 პირს.
"ეს საგანგაშო სტატისტიკაა. ჩვენთან შემოდის ასობით განცხადება მოსამართლეების მხრიდან კანონის დარღვევისა და ბრალდებულთა უფლებების შელახვის შესახებ. დღეს ქვეყნის ციხეებში უამრავი ადამიანია, ვის მიმართაც გამოტანილი მიკერძოებული და არაობიექტურია" - აცხადებს კომიტეტის თავმჯდომარე თამაზ ბაკურიძე.