თბილისის საკრებულოს ქრისტიან-დემოკრატი წევრი ზაზა გაბუნია თეატრის მსოფლიო დღესთან დაკავშირებით მსახიობ თამარ სხირტლაძისა და კოტე თოლორაიას ოჯახს ეწვია.
დეპუტატმა მსახიობებს პროფესიული დღე მიულოცა და საჩუქრად ყოვლადწმინდა ღვთისმშობლის ხატი, ყვავილები და საკუთარი ავტორობით გამოცემული წიგნი "პუბლიცისტური მოდუს ვივენდი" უსახსოვრა.
ზაზა გაბუნია - ‘'მე ბედნიერი ვარ, რომ მომეცა საშუალება თეატრის მსოფლიო დღე ჩვენი მოძრაობის და საზოგადოების სახელით მივულოცო ადამიანებს, რომელთაც საკუთარი შემოქმედებით დიდი კვალი დატოვეს ჩვენი ხალხის ცნობიერებასა და ისტორიაში და რომელნიც დღესაც აქტიურად თამაშობენ ისეთ პოპულარულ სპექტაკლებში როგორიც "ეუხენა ბალბოა'' "პიგმალიონი" "ქაქუცა ჩოლოყაშვილი" "ურიელ აკოსტაა".
თამარ სხირტლაძე: "მე მინდა დიდი მადლობა ვუთხრა ზაზა გაბუნიას და ყველას ვისაც დღეს გავახსენდით, ეს სიხარული მინიმუმ სამი კვირა გამყვება".
