რუსეთის ფედერაცია მზად არის ხელიშეუწყოს ალიანსს ლიბიის ირგვლივ კონფლიქტის შეწყვეტას, თუმცა სახმელეთო ოპერაციის დაწყების შემთხვევაში ლიბიის ტერიტორიაზე ამ ფაქტს ქვეყნის ოკუპაციად შეაფასებს. ეს განცხადება ნატოში რუსეთის წარმომადგენელმა დიმიტრი როგოზინმა გააკეთა.
"ჩვენს პარტნიორებს კარგად უნდა ესმოდეთ, რომ მათ შეუძლიათ რუსეთის მხარდაჭერის იმედი ჰქონდეთ მხოლოდ ცეცხლის შეწყვეტისა და მშვიდობიან მოსახლეობას შორის მსხვერპლის თავიდან არიდების საკითხში", _ განაცხადა როგოზინმა და დასძინა, რომ რუსეთი ერთობლივი ქმედებებისათვის მზადაა მხოლოდ კონფქლიქტის გაუვრცელებლობის საკითხში.
"მაგრამ თუკი საუბარი წავა გაეროს უშიშროების საბჭოს მიერ მიღებული რეზოლუციის უხეშ დარღვევაზე, მაშინ ჩვენი დახმარების იმედი ნატოს არ უნდა ჰქონდეს", _ განაცხადა როგოზინმა და დასძინა, რომ თუკი ამჟამად საუბარი მიდის სახმელეთო ოპერაციის ჩატარებაზე - ეს არის კიდეც ლიბიის ოკუპაციის გარკვეული ფორმა.
