"საქართველოში არსებული ორნიშნა ინფლაციის გამო ფერმერებს ვალები უგროვდებათ", - ამ სათაურის სტატიას გამომცემლობა EURASIANET-ი აქვეყნებს.
ჟურნალისტს მოლი კორსოს შეფასებით, საქართველოს მცირე ფერმერთა 700 000 წარმომადგენლები, რომლებიც შარშანდელი მოუსავლიანობის და ორნიშნა ციფრებში გამოხატული ინფლაციის ზრდის ტემპის გამო დაზარალდნენ, საგაზაფხულო ხვნა-თესვის დაწყების პერიოდს ისე ხვდებიან, რომ სათესლე მასალის ყიდვის ფული არა აქვთ.
"დაფინანსებასთან დაკავშირებული სირთულეები მხოლოდ ნაწილია იმ პრობლემებისა, რაც წელს ფერმერების წინაშე დგას. 2010 წლის უჩვეულოდ მშრალ ზაფხულს მოსავლის შემცირება და შესაბამისად ფერმერთა შემოსავლების შემცირებაც მოჰყვა. ამ საკითხზე ქვეყანაში ოფიციალური მონაცემები არ არსებობს, მაგრამ საქართველოს ბიოლოგიური მეურნეობის არასამთავრობო ასოციაცია "ელკანას" შეფასებით, იმ დროს მარწყვის მოსავალი 70%-ით შემცირდა", - ნათქვამია სტატიაში, რომლის ქართულ თარგმანსაც foreignpress-ი აქვეყნებს.
ამასთან, სტატიის ავტორის თქმით, "ახლახანს მთავრობამ პრობლემის სიმწვავე აღიარა, მაგრამ მკაფიო სამოქმედო გეგმა ჯერ არ შეუმუშავებია".
"მარტში პრეზიდენტმა მიხეილ სააკაშვილმა განაცხადა, რომ უახლოესი წელიწადნახევრის განმავლობაში ქვეყნის სოფლის მეურნეობის „მოდერნიზებაზე" ბიუჯეტიდან დამატებით დაახლოებით 150 მილიონი ლარი (87.7 მილიონი დოლარი) გამოიყოფა, თუმცა პროგრამას კონკრეტიკა აკლია. ამ სტატიის გამოქვეყნებისთვის სოფლის მეურნეობის სამინისტროს წარმომადგენლებმა EurasiaNet.org-ის თხოვნას, ახალ პროგრამაზე მისთვის უფრო დეტალური ინფორმაცია მიეწოდებინათ არ უპასუხა", - აღნიშნულია სტატიაში.
