29 მარტს ჩრდილოატლანტიკურ ალიანსთან დაკავშირებული სტუდენტური დებატების ინგლისურენოვანი კონკურსის დასკვნით ეტაპი გაიმართება.
შეხვედრას საქართველოს ატლანტიკური ხელშეკრულების ახალგაზრდული ასოციაცია პარლამენტის საგარეო ურთიერთობათა კომიტეტთთან, საგარეო საქმეთა სამინისტროსთან და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატთან თანამშრომლობით გამართავს.
სტუდენტური დებატების თემატიკა ჩრდილოატლანტიკურ ალიანსთან დაკავშირებულ შემდეგ საკითხებს მოიცავს: ნატოს რეგიონალური პოლიტიკა, უსაფრთხოების ახალი კონცეფცია, სარაკეტო თავდაცვა და ISAF-ის სამშვიდობო ოპერაცია.
კონკურსის შედეგად გამოვლენილი გამარჯვებულები სტაჟირებას გაივლიან პარლამენტში, ევროპულ და ევროატლანტიკურ სტრუქტურებში
ინტეგრაციის საკითხებში სახელმწიფო მინისტრის აპარატში და საგარეო
საქმეთა სამინისტროში.
ღონისძიებას დაესწრებიან საგარეო საქმეთა სამინისტროს, პარლამენტის საგარეო ურთიერთობათა კომიტეტის, საქართველოში წარმოდგენილი დიპლომატიური კორპუსის, ნატო საქართველოს პროფესიული განვითარების პროგრამის, ნატოს სამოკავშირეო ოფისისა და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის წარმომადგენლები.
