"ბევრს გვაკრიტიკებენ დევნილთა გამოსახლების გამო. არადა, ეს გამოსახლება კი არ იყო, არამედ ეს იყო ჩვეულებრივი განსახლების პროცესი დროებითი თავშეფარების ობიექტებიდან. არცერთი ეს არ ყოფილა კომპაქტური",_აღნიშნა დღეს პარლამენტში გამოსვლისას ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა კობა სუბელიანმა.
მისი თქმით, ისნის ჰოსპიტალსა და გამომცემლობა "სამშობლოში" ეს ადამიანები რთულ პირობებში ცხოვრობდნენ, თანაც ეს იყო დროებითი თავშესაფარი იმ ადამიანებისთვის, რომლებიც 2008 წელს ომის შედეგად დაზარალდნენ. მათ შორის, 90-იანი წლების დევნილებისთვის თავშესაფარი.
მინისტრის თქმით, ამ ადამიანების საცხოვრებელი პირობები შეისწავლეს და ძალიან ბევრ ოჯახს ფართი აღმოაჩნდა.
"ბუნებრივია, მათ მეორედ ვერ დავაკმაყოფილებდით. ბევრ ოჯახს აღმოაჩნდა კომპენსაცია აღებული. მაგრამ აღმოჩნდნენ ოჯახები, რომელთაც მართლაც არაფერი გააჩნდათ და შეეთავაზათ სხვადასხვა ჩასახლების ადგილები, როგორიცაა სოფელი წინწყარო, ქალაქი ლაგოდეხი, გურჯაანში სოფელი ბაკურციხე, სენაკი, ჩხოროწყუ, სწორედ იქ მოხდა მათი განსახლება",_განაცხადა სუბელიანმა.
