პრემიერ-მინისტრის შემდეგ, ეკონომიკისა და მდგრადი განვითარების მინისტრიც აღიარებს, რომ ინდუსტრიული ზონების მიმართ გარკვეული უკმაყოფილება არსებობს. ვერა ქობალია არც იმას მალავს, რომ უკმაყოფილო ძირითადად ქუთაისის თავისუფალი ეკონომიკური ზონის განვითარებითაა.
მინისტრი ამბობს, რომ ეკონომიკური ზონებისადმი ინვესტორების ინტერესი არსებობს და მაგალითად ფოთის ეკონომიკური ზონა მოჰყავს.
"დღეს უკვე ფოთის ინდუსტრიულ ზონას სხვადასხვა ტიპის 38 მემორანდუმი აქვს გაფორმებული და ფოთში უკვე მიმდინარეობს მეტალურგიული საწარმოს მშენებლობა", - აცხადებს ქობალია.
მინისტრის თქმით, ის რამდენიმე ხნის წინ ოფიციალური ვიზიტით ინდოეთში იმყოფებოდა, სადაც ფოთის ეკონომიკური ზონის პრეზენტაცია მოეწყო.
