სოფლის მეურნეობის სექტორში, ლოჯისტიკური ცენტრების მშენებლობა დარგის განვითარებისთვის სტრატეგიული პროექტია. ამის შესახებ დღეს პარლამენტში სიტყვით გამოსვლისას, პრემიერ-მინისტრმა ნიკოლოზ გილაურმა განაცხადა.
მისი თქმით, მნიშვნელოვანია, ქვეყანაში ახალი სასაწყობე მეურნეობები აშენდეს და იქ გარდა ადგილობრივად მოწეული პროდუქციისა, იმპორტირებული პროდუქციის დასაწყობებაც განხორციელდეს.
"პროდუქციის ევროპაში გასატანად პრობლემა არის ის, რომ გრძელვადიანი მიწოდების უზრუნველყოფას ვერ ვახდენთ. ჩვენ ვეუბნებით ამ ქვეყნებს, რომ მივაწვდით პროდუქციას, როცა მოსავლიანობაა, რაც არც ერთი ევროპული ქვეყნისთვის არ არის ხელსაყრელი. პრობლემას ლოჯისტიკური ცენტრის არარსებობა ქმნის. ყველა ეს პრობლემა ჯამში იყრის თავს და სოფლის მეურნეობის პროდუქცია ევროპისკენ დღეს ნომერ პირველი საექსპორტო პროდუქცია არ არის, მიუხედავად იმისა, რომ ჩვენი ერთ-ერთი მთავარი სავაჭრო პარტნიორი ევროკავშირია", - აღნიშნა პრემერ-მინისტრმა.