"ქრისტიან-დემოკრატები" საზღვარგარეთიდან გზავნილების დაბეგვრის პოლიტიკის გადახედვას ითხოვენ. აღნიშნული ინიციატივით დღეს, პარლამენტში ფინანსთა მინისტრთან გამართულ დებატებზე "ქრისტიან-დემოკრატების" წევრი მაგადა ანაკაშვილი გამოვიდა.
"ახალი ნორმის მიხედვით, საზღვარგარეთიდან 300 ლარზე მეტი ღირებულების გზავნილი იბეგრება და ეს მაშინ ხდება, როდესაც ძალიან ბერი ადამიანია გასული საზღვარგარეთ და იქ უმძიმესი ფიზიკური მუშაობის ფასად ინახავენ საქართველოში ოჯახებს, ფაქტიურად ეს ხალხი აკეთებს იმას, რასაც მთავრობა უნდა აკეთებდეს. ამის გათვალისწინებით, კი ხელისუფლებას არ აქვს მორალური უფლება მათი გზავნილები დაბეგროს", - აღნიშნა ანიკაშვილმა.
დეპუტატმა ფინანსთა მინისტრს მოუწოდა იქნებ მოხდეს აღნიშნული საკითხის გადახედვა, რომ მოხდეს გზავნილების დასაბეგრი ღირებულების ზღვარის გაზრდა.
ამასთან, ანიკაშვილი დაინტერესდა აპირებს თუ არა ხელისუფლება საწარმოო ტრმავების შედეგად დაზარალებულების თანხების გადახდას.
