ქუთაისის ქართულ-ინდურ მეტალურგიულ ქარხანაში ახალი ტექნოლოგიის აპრობაცია გაიმართა.
A3 ტიპის არმატურა, რომელსაც აქამდე ქართულ-ინდური კომპანია აწარმოებდა, ძირითადად, პოსტსაბჭოთა ქვეყნებისთვის იყო განკუთვნილი. ამჯერად ქარხანა ევროპულ ბაზარზე ექსპორტისათვის A 500 ტიპის არმატურის დამუშავებას იწყებს, რომელზეც მოთხოვნა სეისმურად აქტიურ ზონებში მაღალსართულიანი შენობებისთვის დღითიდღე იზრდება.
ახალი ტექნოლოგიების გამოყენებისას იზრდება სიმტკიცის ზღვარი, რისთვისაც წარმოებამ სპეციალური თერმული ხაზი დაამონტაჟა. ახალი ტექნოლოგიების აპრობაციას იმერეთის გუბერნატორი ლაშა მაქაცარია და ქუთაისის მერი გიორგი თევდორაძე დაესწრნენ.
