საქართველო, აზერბაიჯანი, მოლდოვა და სირია, შესაძლოა, სარკინიგზო პროექტ "Vikingas"-ში პარტნიორები გახდნენ. საუბარია, სარკინიგზო კონტეინერულ შემადგენლობაზე, რომელშიც ლიტვა, ბელორუსი და უკრაინა ტვირთების გადაზიდვას მარშუტით კლაიპედა-ილიჩევსკის პორტი ანხორციელებენ. ინტერნეტპორტალ "აზერტაჯი" წერს, რომ აღნიშნული პროექტი უკვე 8 წელია მუშაობს. ლიტვის ვიცე-პრემიერის არუნას შტარასის განცხადებით, პროექტი მნიშვნელოვანი პერსპექტივაა ევროპასა და აზიას შორის ტვირთების გადაზიდვის მხრივ.
"8 წლის განმავლობაში ბრწყინვალედ მოქმედ პროექტს გააჩნია კარგი პერსპექტივა ევროპასა და აზიას შორის მეტი ტვირთების გადასაზიდად. "Vikingas"-ით გადაზიდვები ყოველწლიურად იზრდება"- განაცხადა არუნას შტარასიმ.
გასულ წელს ტვირთების მოცულობა 5,8 %-ით გაიზარდა და 41,8 ათასი თEU (პირობითი კონტეინერი) შეადგინა. "Vikingas"-ის პირველი შემადგენლობა ბალტიისა და შავ ზღვას შორის 2003 წელს გავიდა, ხოლო 2009 წელს ის აღნიშნულ იქნა სპეციალური ჯილდოთი, ინტერმოდალური ტრანსპორტის ევროპული ასოციაციის მიერ.
