დღეს, 19 მარტს, 16:00 საათზე დაბა ჩაქვში დაცული ტერიტორიების სააგენტოს წარმომადგენლები საქართველოში შემაჯამებელი ვიზიტით მყოფი გერმანიის რეკონსტრუქციის საკრედიტო ბანკის (KFW) შემფასებელი მისიის შეხვედრას დაესწრებიან. ვიზიტის ფარგლებში გაიმართება შეხვედრა კინტრიშის დაცული ტერიტორიების მიმდებარე მოსახლეობასთან და ადგილობრივი თვითმმართველობის წარმომადგენლებთან.
შეხვედრის მიზანია ადგილობრივი მოსახლეობის მონაწილეობით პროგრამის სამოქმედო გეგმის განხილვა. შეხვედრის შემდეგ პროგრამის შემფასებელმა მისიამ კინტრიშის ნაკრძალი დაათვალიერა.
მისიის შემაჯამებელი ვიზიტი „ეკორეგიონალური ბუნების დაცვის პროგრამა, სამხრეთ კავკასია, III ფაზა" ფარგლებში ხორციელდება. პროგრამით გათვალისწინებულია კინტრიშის დაცული ტერიტორიის ინფრასტრუქტურის პროექტის და ირგვლივ მცხოვრები მოსახლეობისთვის მცირე გრანტების პროგრამის ეტაპობრივად განხორციელება 4 წლის განმავლობაში 2011 წლის ბოლოდან.
პროექტის ბიუჯეტი შეადგენს დაახლოებით დაახლოებით 1,000,000 ევროს. დონორები არიან: გერმანიის მთავრობა BMZ და გერმანიის რეკონსტრუქციის საკრედიტო ბანკი KFW.