აზერბაიჯანთან ენერგეტიკის საკითხებში აშშ წარმატებით თანამშრომლობს, ეს განცხადება აზერბაიჯანში აშშ-ს ელჩმა მეთიუ ბრაიზამ "ტრენდისათვის" მიცემულ ინტერვიუში გააკეთა.
"მარშრუტ ბაქო-თბილისი-ჯეიჰანზე პირველად იქნა შექმნილი დერეფანი საბადო აზერი-ჩირაგ-გიუნეშლიდან ნავთობის ექსპორტისათვის. ახლა უკვე ახალი ინვესტიცია ეხმარება ევროპას გაზის მიწოდების დივერსიფიკაციის საქმეში", _ განაცხადა ბრაიზამ.
მისივე თქმით, დღეს არსებობს აუცილებლობა გადაწყდეს ტრანზიტისა და გაზის გაყიდვის საკითხები. ამას გარდა, აუცილებელია ამ გაზის ტრანზიტის შესახებ შეთანხმების რეალიზება, რომელიც თურქეთსა და აზერბაიჯანს შორის გასული წლის ივლისში გაფორმდა.
"იმედს ვიტოვებთ, რომ ორივე ქვეყანა, უახლოეს მომავალში ამ საკითხს გააწყვეტს", _ განაცხადა ბრაიზამ.
მან ასევე აღნიშნა, რომ ამჟამად წინ მიიწევს პროცესი აზერბაიჯანსა და აშშ-შორის პირდაპირი საჰაერო მიმოსვლის გახსნის საკითხში.
"ამჟამად პროცესი საკმაოდ კარგად მიიწევს წინ. მე კმაყოფილი ვარ ამ პროცესის მიმდინარეობით", _ განაცხადა ბრაიზამ.
მისივე ინფორმაციით, ორ ქვეყანას შორის პირდაპირი საჰაერო მიმოსვლის საკითხი მან აზერბაიჯანის შესაბამის ორგანოებთან უკვე განიხიდა, კერძოდ, მას ამ საკითხზე საუბარი ჰქონდა დახურულ სააქციო საზოაგდოება "აზერბაიჯან ჰავა იოლარრის" პრეზიდენტთან ჯახანგირ ასკეროვთან.
ამას გარდა, აზერბაიჯანში აშშ-ს ელჩმა ასევე განაცხადა, რომ უახლოეს დღეებში აზერბაიჯანი, კომპანია "ბოინგთან" გაფორმებული კონტრაქტის შესაბამისად ახალ თვითმფრინავებს მიიღებს, მათ შორის ორ "Boeing 787 Dreamliner"-ს. ამ საჰაერო ხომალდების შეძენა, საშუალებას მისცემს აზერბაიჯანის ნაციონალური ავიაკომპანიას ფრენები აშშ-ში განახორციელოს.
აზერბაიჯანსა და აშშ-ს შორის არსებული თანამშრომლობის სფეროებზე საუბრისას, ბრაიზამ აღნიშნა, რომ ქვეყნებს შორის მიმდინარეობს თანამშრომლობა ეკონომიკის სხვა და სხვა სფეროებში, მათ შორის, სოფლის მეურნეობის სფეროში.
ბრაიზამ ასევე აღნიშნა, რომ აზერბაიჯანს აქვს დიდი პოტენციალი ენერგიის განახლებადი წყაროების განვითარების საკითხში. მისივე თქმით, ძალიან მნიშვნელოვანი შეიძლება გახდეს ქარის ენერგეტიკის განვითარების საკითხიც.