აჭარის სურსათის უვნებლობის, ვეტერინარიისა და მცენარეთა დაცვის სამსახურის მცენარეთა სამმართველომ, საგაზაფხულო სამუშაოს გააქტიურებასთან ერთად, აგროქიმიკატებისა და შხამქიმიკატების მონიტორინგი დაიწყო. სამსახური პროდუქციის შენახვის, ტრანსპორტირების, რეალიზაციისა და უსაფრთხოების წესებს ამოწმებს.
როგორც გაირკვა, რეალიზატორების უმრავლესობა თითქმის ყველა წესს იცავს.
აღნიშნული პროდუქცია სპეციალისტთა რეკომენდაციით დახურულ შენობაში უნდა იყიდებოდეს.
რეალიზატორებთან ერთად დღეს იმპორტიორებიც შეამოწმეს. მცენარეთა დაცვის სამმართველომ სამახსოვრო ბუკლეტი კომპანია "ფერმერთა სახლსაც" გადასცა, თუმცა იქ სამმართველოს წარმომადგენლებს დარღვევა არ აღმოუჩენიათ.
სამმართველო მონიტორინგის ფარგლებში პროდუქციის ხარისხის შემოწმებასაც გეგმავს.
