მიმდინარე ეტაპზე რუსეთის ხელისუფლება მარცვლეულის ექსპორტის განახლების საფუძველს ვერ ხედავს. ასეთი მოსაზრება ქვეყნის ვიცე-პრემიერმა ვიქტორ ზუბკოვმა რუსეთის მემარცვლეთა კავშირის წინადადებაზე გამოთქვა. მემარცვლეებმა ხელისუფლებისგან 2010 წლის ხორბლის მოსავლის ექსპორტის განახლება მოითხოვეს.
ზუბკოვმა აღნიშნა, რომ მას კარგად ესმის მემარცვლეთა კავშირის ინტერესები, მაგრამ დასძინა: "ჩვენი ბრალი არაა ის გარემოება, რომ ქვეყანას ხორბლის კარგი მოსავალი ჰქონდა. ექსპორტი 1-ელ ივლისამდე დახურულია და აღნიშნული საკითხის გადახედვას, ახალი მოსავლის აღებამდე არ ვაპირებთ", - განაცხადა ზუბკოვმა.
