იაპონური საავტომობილო კონცერნი Honda Motor Со 50 ათას ავტომობილს უკან გამოიხმობს. 2011 წელს გაყიდულ ავტომობილის მოდელებს Honda Civic და Honda Odyssey ექსპერტებმა დეფექტი აღმოუჩინეს, კერძოდ ამ მოდელების ავტომობილებში საწვავის გაჟონვის საფრთხე არსებობს. ასევე გაუმართავია საქარე მინის მწმენდავი.
Associated Press-ის ინფორმაციით, კომპანია მანქანების გაწვევას აპრილის შუა რიცხვებიდან დაიწყებს.
გამოცემის ინფორმაციით, ავარიის შემთხვევაში თუ ავტომობილი გადატრიალდება, საწვავის გაჟონვის დიდი საფრთხე არსებობს, რადგანაც ჩამკეტი მოწყობილობა არ მუშაობს.
შეგახსენებთ, რომ 2011 წლის თებერვალში ტექნიკური გაუმართაობის გამო Honda Motor Co 700 ათასი Fit-ის, Freed-ისა და City-ის მოდელები უკან უკვე გაიწვია. კომპანიამ მანქანები გაიწვია ასევე 2010 წლის დეკემბერშიც.