21 მარტიდან, აზერბაიჯანის დედაქალაქში აჭარის ტურისტული ბანერები განთავსდება, რომელიც აზერბაიჯანელ ტურისტებს აჭარაში ჩამოსვლისა და დასვენებისკენ მოუწოდებს.
აჭარის ტურიზმის დეპარტამენტის თავმჯდომარე ბაჩუკი ჩხეიძე ამბობს, რომ ბაქოში, ქალაქის ცენტრში 2 სახის ბანერი, 5 ცენტრალურ ადგილზე განთავსდება. ჩხეიძის თქმით, მაისის ბოლოდან აზერბაიჯანული ტელევიზიებით სარეკლამო რგოლებიც დატრიალდება.
სარეკლამო რგოლები უკვე ტრიალებს ირანული ტელევიზიით, რომელიც ირანელ ტურისტებს ბათუმში დასვენების შესახებ მოუთხოვბს. აჭარის ტურიზმის დეპარტამენტის თავმჯდომარე ამბობს, რომ ანალოგიური სარეკლამო კამპანია უახლოეს ხანებში უკრაინასა და ყველა სამიზნე ბაზარზე დაიწყება.
შეგახსენებთ, რომ 2011 წლის განმავლობაში აჭარის ტურიზმის დეპრატამენს სხვადასხვა ტურისტული რეკლამების განსათავსებლად ბიუჯეტიდან 391 ათასი ლარის აქვს გამოყოფილი.
