ფინანსთა მინისტრმა კახა ბაინდურაშვილმა შავი ზღვის საერთაშორისო უნივერსიტეტში ქართველი და უცხოელი სტუდენტებისთვის საჯარო ლექცია წაიკითხა და ქვეყანაში არსებულ ეკონომიკურ ვითარებაზე ისაუბრა.
"უნივერსიტეტის სტუდენტებს წარვუდგინეთ სრულყოფილი პრეზენტაცია საქართველოს ეკონომიკის შესახებ, რა ფორმითაც ინვესტორები ეცნობიან ჩვენი ქვეყნის პერსპექტივას. ვისაუბრეთ, თუ როგორ უპირისპირდება მთავრობა გამოწვევებს, რა პოლიტიკას ატარებს. ვფიქრობ, მნიშვნელოვანია ახალგაზრდებს ჰქონდეთ დეტალური ინფორმაცია, რათა ჩამოყალიბდნენ უკეთეს პროფესიონალებად", - განაცხადა ფინანსთა მინისტრმა.
"სტუდენტებს აინტერესებთ, როგორ ვითარდება ქვეყნის ეკონომიკა, ამიტომ აუცილებელია ახალგაზრდებმა მოუსმინონ იმ ადამიანებს, ვინც უშუალოდ ხელმძღვანელობენ უწყებებს. ფინანსთა მინისტრის მოხსენება იყო ამომწურავი. ვფიქრობ, სტუდენტები კმაყოფილები დარჩნენ მასთან შეხვედრით", - განაცხადა შავი ზღვის საერთაშორისო უნივერსიტეტის პრორექტორმა გიული ალასანიამ.
პრეზენტაციის დასრულების შემდეგ ფინანსთა მინისტრმა სტუდენტების შეკითხვებს უპასუხა.