სს „იბერია რეფრეშმენტსი" სომხური კომპანიისათვის წილის მიყიდვას ოფიციალურად უარყოფს. როგორც კომპანიის მიერ გავრცელებულ განცხადებაშია ნათქვამი, მედიის საშუალებით გავრცელებული ინფორმაცია თითქოს სს „იბერია რეფრეშმენტსის" წილი სომხურმა კომპანიამ შეისყიდა, სიმართლეს არ შეესაბამება.
„სამწუხაროა, რომ ინფორმაცია გავიდა ისე, რომ არ მოხდა არც ერთი მედია საშუალების მიერ ჩვენს კომპანიასთან ფაქტების გადამოწმება. სს „იბერია რეფრეშემნტსი" აცხადებს რომ არანაირი მოლაპარაკება „ჯერმუკ ჯგუფთან" წილის გაყიდვაზე არ განხოციელებულა. ჯერმუკ ჯგუფი" არის კომპანიის პარტნიორი, რომელიც 2004 წლიდან დღემდე დისტრიბუციას უკეთებს საქართველოში ნაწარმოებ პეპსის პროდუქციას სასომხეთის ტერიტორიაზე" - აცხადებენ სს „იბერია რეფრეშმენტსის" მენეჯმენტში.
როგორც სს „იბერია რეფრეშემნტსში" აცხადებენ, კომპანიის საქმიანობა გამჭვირვალეა და ყველასთვის ხელმისაწვდომი, ხოლო მის აქციონერებზე ინფომაცია საჯარო, ამიტომ კომპანიის მენეჯმენტი სთხოვს მასმედიის წარმომადგენლებს გაშუქებამდე გადაამოწმონ და მიიღონ ამომწურავი ინფორმაცია კომპანიის კორპორატიული ურთიერთობის განყოფილებაში.
სს "იბერია რეფრეშმენტის" აქციონერები არიან: „იბერია ჯგუფი", ახმედ აბდულა ალ შაფარი, „ელსუ" და ქართველი ფიზიკური პირები.
