ე.წ. არამიანცის საავადმყოფოს გაურკვეველი წარმოშობის რუსეთში მოღვაწე ბიზნესმენი ყიდულობს. როგორც ეკონომიკის ექსპერტმა რევაზ საყევარიშვილმა აღნიშნა, რუსეთში მოღვაწე გაუგებარი წარმოშობის ბიზნესმენი, დანიელ გუფთა, რომელიც ე.წ. არამიანცის საავადმყოფოს ყიდულობს, მანამდე სამედიცინო სფეროსთან შეხება საერთოდ არ ჰქონია და იგი საბურავებისა და უძრავი ქონების ბიზნესით იყო დაკავებული.
"როგორც ჩანს, ამ ბიზნესმენს არამიანცის საავადმყოფოს ინტერესი უძრავი ქონების კუთხით აქვს და არა მისი პროფილის", - აღნიშნა საყევარიშვილმა.
ექსპერტმა ყურადღება ასევე სადაზღვეო კომპანიების კუთხით არსებულ პრობლემებზე გაამახვილა და აღნიშნა, რომ ამ კუთხით ქვეყანაში ინფორმაციულობის ასიმეტრიულობის გამო ძნელი დასადგენია სად არის სიმართლე.
