დამწვრობის ცენტრი ახალ შენობაში გადადის. თერმული დაზიანების ცენტრი რეფერალურ ჰოსპიტალში განთავსდება და თავდაპირველად 120 საწოლზე იქნება გათვლილი.
ჯანდაცვის მინისტრმა ანდრია ურუშაძემ დღეს შენობა დაათვალიერა და კლინიკის თანამშრომლებს შეხვდა.
მინისტრის განცხადებით, იმ 70 ექიმს, რომლებიც ამჟამად დამწვრობის ცენტრში მუშაობენ, კონტრაქტები გაუგრძელდებათ და ახალ შენობაში განაგრძობენ მუშაობას.
ამჟამად შენობაში რემონტი მიმდინარეობს და მისი გახსნა, სავარაუდოდ, სექტემბერში იგეგმება.