"ფუკუსიმა 1"-ის ატომურ ელექტროსადგურზე მომუშავე სპეციალისტები რადიაციის მომატების გამო სადგურის ტერიტორიიდან გაიყვანეს.
ინფორმაციას ამის შესახებ სააგენტო "კიოდო" ავრცელებს. იაპონიის ატომური უსაფრთხოების სააგენტოს წარმომადგენელთა განცხადებით, სადგურის ტერიტორიაზე რადიაციის დონე მერყეობს.
დღეს დილით, თბილისის დროით 05:20 საათზე, რადიაციის დონე საათში 2 399 მიკროზივერტი იყო, 05:45 საათზე - 6 400 მიკროზივერტი. 05:54 საათზე კი, 2 300 მიკროზივერტი. 06:00 საათისთვის მან საათში 3 300 მიკროზივერტი შეადგინა.
შეგახსენებთ, რომ 11 მარტს მომხდარი მიწისძვრის შემდეგ ფუკუსიმას ატომურ ელექტროსადგურზე რამდენიმე აფეთქება მოხდა. მწყობრიდანაა გამოსული რეაქტორის გაგრილების სიტემა, რომლის მუშაობის აღდგენა ვერ ხერხდება.
