სს "ელმავალმშენებელი ქარხანა" "საქართველოს რკინიგზის" დაკვეთით, 9 ელმავალის სრული მოდერნიზებას მოახდენს, რომლის ღირებულებაც 13 მლნ. 383 ათას 936 შვეიცარიულ ფრანკი (დაახლოებით 20 მილიონი ლარი) იქნება. ქარხანამ აღნიშნულ დაკევათაზე მუშაობა უკვე დაიწყო.
ეკონომიკისა და მდგრადი განვითარების მინისტრი, შპს "საქართველოს რკინიგზის" გენერალურ დირექტორთან ერთად დღეს სს "ელმავალმშენებელ ქარხანას" ეწვია. როგორც ვერა ქობალიამ აღნიშნა, მნიშვნელოვანია, რომ საქართველოს რკინიგზამ~ შეკვეთა არა რომელიმე უცხოურ საწარმოს, არამედ სწორედ სს ელმავალმშენებელ ქარხანას~ მისცა, რადგან ეს ქარხნის განვითარებისთვის სტიმული იქნება, ამასთან, ხელს შეუწყობს დამატებით ადგილობრივი კადრების დასაქმებას.
ამ დროისათვის ქარხნის ყველაზე დიდი დამკვეთი შპს "საქართველოს რკინიგზაა". საწარმოში 1500 ადამიანია დასაქმებული, რომელთა საშუალო ხელფასიც 600 ლარს შეადგენს.
თბილისის ელმავალმშენებელი ქარხანა ერთ-ერთი მდიდარი ისტორიის და ტრადიციების საწარმოა საქართველოში. ის მე-20 საუკუნის 30-იან წლებშია დაარსებული, როგორც ლოკომოტივშემკეთებელი. პირველი ელმავალი მან 1957 წელს გამოუშვა და და მას შემდეგ ამ საქმეს ემსახურება. დღეს ქარხანა მუშაობს ახალი თაობის ელმავლების პროექტზე, რომლებიც იწარმოება ევროპულ ლიანდაგებზე სამოძრაოდ.
ელმავალმშენებელი ქარხანა საკავშირო შეკვეთებზე მუშაობდა. საბჭოთა კავშირის დაშლის შემდეგ, მისი წარმადობა მნიშვნელოვნად შემცირდა, მაგრამ შეკვეთებმა ყოფილი საბჭოთა რესპუბლიკებიდან, ძირითადად კი უკრაინიდან, საშუალებას მისცა, შეენარჩუნებინა საწარმოო ბაზა და კვალიფიციური მუშახელი. 2008 წლის ეკონომიკურმა კრიზისმა ქარხანას სერიოზული ზიანი მიაყენა, რადგან გაუქმდა შეკვეთების დიდი ნაწილი.
1970 წლიდან 2005 წლამდე სულ გამოშვებულია 425 ერთეული ЭК-ის ტიპის ელმავალი. 400-ზე მეტი ერთეული მიწოდებულია სსრკ-ის, რუსეთის, უკრაინის, ყაზახეთის, პოლონეთის, სლოვაკეთის, ჩინეთის, პაკისტანის, ირანის, ინდოეთის, ბულგარეთის, ფინეთის, ეგვიპტეს, ალჟირის და მსოფლიოს სხვა ქვეყნების მეტალურგიულ კომბინატებში. 2000 წელს ქარხანაში უმოკლეს ვადებში საქართველოს რკინიგზის შეკვეთით დაპროექტდა და აიწყო მუდმივი დენის სამგზავრო ელმავალი. მისი სატვირთო ანალოგი წარმატებით გამოიყენება საქართველოს რკინიგზის მიერ. მიმდინარეობს სამუშაო მუდმივი დენის ექვს ღერძიანი და რვაღერძიანი ელმავლების შესაქმნელად. მუშავდება ელმავალი, რომელიც გათვალისწინებული იქნება ევროპული ტიპის ლიანდაგისთვის.