"ხლებ ინვესტსტროი" გაფორმებული ხელშეკრულების ფარგლებში, მიმდინარე მარკეტინგულ წელს, საქართველოს 100 ათას ტონა ხორბალს მიაწვდის. კომპანიის გენერალურ დირექტორის რობერტ ბროუდის განცხადებით, საქართველოსთვის, სომხეთისთვის, ბელორუსისთვის და რუსეთისთვის მარცვლეულის მიწოდება გაფორმებული საერთაშორისო ხელშეკრულების ფარგლებში მოხდება.
ინტერნეტპორტალი RBC წერს, რომ "ხლებ ინვესტსტროიმ" მისთვის გამოყოფილი კვოტებიდან წელს უკვე განახორციელა 60 %-ის ექსპორტირება. ამჟამად კომპანიას 300 ათას ტონაზე მეტი მარცვლეულის მარაგი აქვს, მათ შორის 170 ათასი ტონა სიმინდი და 160 ათასი ტონა ხორბალი.
