ეკონომიკური დარგის ექსპერტები ხელისუფლებას ფოთში, ტერმინალების ხელოვნური გაკოტრების მცდელობაში ადანაშაულებენ. ამის შესახებ საპარლამენტო ფრაქცია "ქრისტიან-დემოკრატებთან" გამართულ შეხვედრაზე "საქართველოს ექსპედიტორთა ასოციაციის" ექსპერტმა ნიკოლოზ ზარდიაშვილმა განაცხადა.
მისი თქმით, ფოთში 10-ზე მეტი ტერმინალია, რომელთაც შემოწმების შუალედური აქტით, 20 მილიონამდე ლარის ჯარიმა დაეკისრათ და მათ მიერ აღნიშნული თანხის გადახდის შემთხვევაში ტერმინალები სრულად გაკოტრდებიან.
თუმცა, როგორც დღევანდელ შეხვედრაზე ექსპერტებმა აღინიშნეს, ფოთის ტერმინალებს ჯარიმების მოხსნას პირდებიან, თუ ისინი პროფილს შეიცვლიან, ამის მიზეზი კი გაფორმების ეკონომიკური ზონის "გეზის" მიერ მონოპოლიის დამკვიდრების მცდელობას ასახელებენ.
მათივე ინფორმაციით, ფოთის ტერმინალებმა უკვე მიიღეს დირექტივები, რომ ტვირთი ჯერ "გეზში" უნდა შევიდეს.
