როგორც საქართველოს ათასწლეულის ფონდის აღმასრულებელმა დირექტორმა გიორგი აბდუშელიშვილმა განაცხადა, ათასწლეულის პროგრამის ფარგლებში "საქსტატმა" სულ 2 242 567 აშშ დოლარი მიიღო, რომელიც სხვადასხვა პროექტის დაფინანსებას მოხმარდა.

"საქსტატის" აღმასრულებელი დირექტორის ზაზა ჭელიძის თქმით, აღნიშნული თანხიდან "საქსტატმა" 2008 წლის აპრილში გაფორმებული ხელშეკრულების ფარგლებში 1 865 379 აშშ დოლარი მიიღო, რომლის საფუძველზე "საქსტატმა" ორი მნიშვნელოვანი კვლევა განახორციელა, მათ შორის შინამეურნეობების ინტეგრირებული გამოკვლევა და სოფლის ინფრასტრუქტურის აღწერა.

"გარდა ამისა, ფონდმა "საქსტატმა" მიიღო 377 188 აშშ დოლარის ოდენობის ტექნიკური დახმარება, რომელიც საერთაშორისო ფასთა შედარების პროგრამაში (ICP) მოსამზადებელ სამუსაოებს, პერსონალის ტრენინგებსა და საინფორმაციო ტექნოლოგიების განვითარებას," - განაცხადა ჭელიძემ.

პროგრამის ფარგლებში "საქსტატმა" ფონდისგან ასევე საჩუქრად მიიღო კომპიუტერული ტექნიკა და ქსელური მოწყობილობები, რაც ჭელიძის განმარტებით, "საქსტატის" შიდა კომპიუტერული ქსელის გამართულად მუშაობას.

საქართველოს ათასწლეულის გამოწვევის პროგრამის განხორციელების მიზნით, საქართველოს მთავრობამ ფონდი - ათასწლეულის გამოწვევა საქართველოს დაარსა. 395,3 მლნ აშს დოლარის ღირებულების პროგრამა აშშ-ის მტავრობის გრანტია და საქართველოს მთავრობის პრიორიტეტების მიხედვით ხორციელდება. როგორც აშშ-ის ელჩმა საქართველოში ჯონ ბასმა განაცხადა, საქართველოსა და აშშ-ს შორის თანამშრომლობის ერთი ნაწილი ათასწლეულის კორპორაციასა და საქართველოს ათასწლეულის გამოწვევის ფონდს შორის შედგა. "აღნიშნული პროგრამის შედეგები სახეზეა, ეს არის გაუმჯობესებული გზები, ახალი და რეაბილიტირებული ინფრასტრუქტურა, ახალი მცირე და საშუალო საწარმოების განვითარება," - განაცხადა ბაასმა.