ირნალდიურ კომპანია "ვოლდ ვაილდ ინფრასტრაქჩა ალიანსი ჯორჯიასა" და ბათუმის მუნიციპალიტეტს შორის, ველო-ტაქსების შემოყვანაზე ხელშეკრულება სავარაუდოდ დღეს საღამოს, ან ხვალ გაფორმდება.
ირლანდიური კომპანიის წარმომადგენლები უკვე ბათუმში იმყოფებიან და ხელისუფლების წარმომადგენლებთან კონსულტაციებს გადიან და ხელსეკრულების დეტალებს აზუსტებენ. ხელშეკრულების გაფორმების შემდეგ კი ბათუმში ველო-ტაქსების შემოყვანასაც დაიწყებენ.
აღსანიშნავია, რომ ბათუმის საკრებულომ ველო-ტაქსების პარკირების ტარიფი განსაძღრა. ბათუმის საკრებულოს თავმჯდომარის გიორგი კირთაძის თქმით, პარკირების ადგილებზე ველო-ტაქსების ერთი თვით დგომის ტარიფი 10 ლარით განისაზღვრა. 6 თვით - 50 ლარი, ხოლო ერთწლიანი პარკრების ტარიფი კი 90 ლარით. პარკირებაზე მონიტორინგს და ზედამხედველობას კი მუნიციპალური საწარმო "ბათუმის პარკირება" განახორციელებს.
ბათუმის მერიაში აცხადებენ, რომ ტრანსპორტის ეს სახეობა საკმაოდ იაფია და რაც მთავარია, ეკოლოგიურად სუფთა ტრანსპორტი ძველ ბათუმში, ბულვარში და ბოტანიკურ ბაღში იმოძრავებენ.
საწყის ეტაპზე ბათუმში დაახლოებით 70 ველო-ტაქსი იმოძრავებს, რომლის მოდელი და ფერიც სამომავლოდ განისაზღვრება. ველო-ტაქსით მგაზვრობა სავარაუდოდ ერთი კილომეტრი 1 ლარი ეღირება და მისი გამოჩენა ბათუმის ქუჩებში დაახლოებით მაისის ბოლოსათვისაა დაგეგმილი.
