მალე საქართველო-თურქეთთან დამაკავშირებელი სასოფლო გზების რეაბილიტაცია დაიწყება, რაც ორ ქვეყანას შორის მიმოსვლას კიდევ უფრო გაამარტივებს. ასევე საზღვრის გადაკვეთა საპასპორტო კონტროლის გარეშეც იქნება შესაძლებელი, ერთობლივი პროექტის ფარგლებში იგეგმება ინფრასტრუქტურული სამუშაოების ჩატარება.
თურქი და ქართველი ექსპერტების მიერ შემუშავებული პროექტის მიხედვით, თურქეთიდან ჩხუტუნეთისა და კირნათის მიმართულებით გზების მშენებლობა და რეაბილიტაცია განხორციელდება.
აჭარის ავტონომიური რესპუბლიკის მთავრობის პროტოკოლისა და მასმედიასთან ურთიერთობის დეპარტამენტის ინფორმაციით, ამ ეტაპზე, გარემოს შესწავლა მიმდინარეობს. პროექტის დასრულება კი 2011 წლის ბოლოსთვის იგეგმება.