15-16 მარტს უკრაინაში, კიევში, ბალტიის ზღვა - შავი ზღვის მიმართულებით ტვირთების გადაზიდვების განვითარების საკოორდინაციო საბჭოს მორიგი სხდომა გაიმართება, სადაც "ბალტიის ზღვის - შავი ზღვის მიმართულებით ტვირთების გადაზიდვების განვითარების" შესახებ შეთანხმებაზე საქართველოს და მოლდოვას მიერთებაა დაგეგმილი. ეკონომიკისა და მდგრადი განვითარების სამინისტროს ინფორმაციით, საქართველოს მხრიდან შეთანხმების მიერთების ოქმს, ხელს ეკონომიკისა და მდგრადი განვითარების მინისტრის მოადგილე გიორგი კარბელაშვილი მოაწერს. სამინისტროს ინფორმაციითვე, შეხვედრაში მონაწილეობას მიიღებენ აზერბაიჯანის, ლიტვის, ბელარუსის, უკრაინის, მოლდოვას, სირიის და თურქეთის სატრანსპორტო უწყებების ხელმძღვანელები.
"ბალტიის ზღვა - შავი ზღვის მიმართულებით ტვირთების გადაზიდვების განვითარების შესახებ~ შეთანხმებაზე საქართველოს მიერთება ითვალისწინებს "ვიკინგის" საკონტეინერო მატარებლის მარშრუტის გაგრძელებას საქართველოს ტერიტორიის გავლით აზერბაიჯანისა და შემდგომში ცენტრალური აზიის ქვეყნებისაკენ, რაც ხელს შეუწყობს დამატებითი ტვითნაკადის მოზიდვასა და ჩვენი ქვეყნის სატრანზიტო პოტენციალის ამაღლებას.
აღნიშნულ შეთანხმებასთან საქართველოს მიერთება აგრეთვე ხელს შეუწყობს სატრანსპორტო კავშირების ეფექტიანობის ამაღლებას; ბალტიის ზღვა - შავი ზღვის და უკუმიმართულებით ტვირთების გადაზიდვების ორგანიზებას; შეთანხმების მხარეთა სახელმწიფოების სარკინიგზო ტრანსპორტის მომსახურების საერთაშორისო ბაზარზე შეღწევის გაადვილების ხელშეწყობას; ტვირთების გადაზიდვისას სარკინიგზო ტრანსპორტის მომსახურების დამკვეთისათვის თანაბარი, არადისკრიმინაციული პირობების შექმნას;