გასულ წელს უკრაინელებმა 6,8 ტონა ოქრო შეიძინეს, რაც 2009 წლის მაჩვენებელზე 21 %-ით ნაკლებია. უკრაინელი მოსახლეობისა და იქაური კომპანიების მიერ ოქროს მცირე რაოდენობით შეძენა მათი შემოსავლების ნაკლებობას ადასტურებს. ამის შესახებ "კომერსანტ-უკრაინა" იტყობინება. გამოცემის ინფორმაციით, უკრაინლებმა ვერცხლის ყიდვა ამჯობინეს. მათ მიერ შეძენილი ვერცხლის მოცულობა 57 %-ით გაიზარდა და 8,6 ტონა შეადგინა.
ოქროსთან შედარებით, ვერცხლზე მოთხოვნა მისი სიიაფით აიხსნება. უკრაინის ნაციონალური ბანკის მიხედვით, უნცია ოქრო 11, 18 ათასი გრივენი ღირს (40,35 ათასი რუბლი), ვერცხლი კი_270 გრივენი (974,5 რუბლი)
იმის გამო, რომ ქვეყანაში ოქროს გაყიდვამ მნიშვნელოვნად იკლო, უკრაინის ბანკებმა მისი იმპორტი შეამცირეს. 2010 წელს ბანკებმა ქვეყანაში 5,3 ტონა ოქრო შეიტანეს, რაც 29 %-ით ნაკლებია, ვიდრე 2009 წელს. ვერცხლის იმპორტი კი, პირიქით, გაიზარდა.