ირლანდიური კომპანიის წარმომადგენლები, რომლებიც აჭარაში ახალი სატრანსპორტო საშუალებების შემოყვანით არიან დაინტერესებულნი, უკვე ბათუმში იმყოფებიან.
"ჯიეიჩ-ენის" -ის ინფორმაციით, კომპანიის წარმომადგენლები ბათუმის მერიის ხელმძღვანელობასთან შეხვედრის შემდეგ, დაახლოებით 2 დღეში კონტრაქტსაც გააფორმებენ და ბათუმში ველო-ტაქსების შემოყვანასაც დაიწყებენ.
ირლანდიური კომპანიის სახელწოდება ამ დრომდე არ სახელდება და როგორც ბათუმის მერიაში განმარტავენ, კომპანიის სახელი ხელშეკრულების გაფორმებვის შემდგომ გახდება ცნობილი, რომლის სავ ვარიანტზეც მუსაობა უკვე დაწყებულია.
აღსანიშნავია, რომ დღესვე ბათუმის საკრებულომ ველო-ტაქსების პარკირების ტარიფი განსაძღრა. ბათუმის საკრებულოს თავმჯდომარის გიორგი კირთაძის თქმით, პარკირების ადგილებზე ველო-ტაქსების ერთი თვით დგომის ტარიფი 10 ლარით განისაზღვრა. 6 თვით - 50 ლარი, ხოლო ერთწლიანი პარკრების ტარიფი კი 90 ლარით. პარკირებაზე მონიტორინგს და ზედამხედველობას კი მუნიციპალური საწარმო "ბათუმის პარკირება" განახორციელებს.
ბათუმის მერიაში აცხადებენ, რომ ტრანსპორტის ეს სახეობა საკმაოდ იაფია და რაც მთავარია, ეკოლოგიურად სუფთა ტრანსპორტი ძველ ბათუმში, ბულვარში და ბოტანიკურ ბაღში იმოძრავებენ.
საწყის ეტაპზე ბათუმში დაახლოებით 70 ველო-ტაქსი იმოძრავებს, რომლის მოდელი და ფერიც სამომავლოდ განისაზღვრება. ველო-ტაქსით მგაზვრობა სავარაუდოდ ერთი კილომეტრი 1 ლარი ეღირება და მისი გამოჩენა ბათუმის ქუჩებში დაახლოებით მაისის ბოლოსათვისაა დაგეგმილი.