15 მარტს 10 საათიდან 12 საათამდე ნაძალადევის რაიონის მოსახლეობის ნაწილს ელექტრომომარაგება დროებით შეეზღუდება, რაც კომპანია `თელასის" ქვესადგურ `ღრმაღელეში" პროფილაქტიკური სარემონტო სამუშაოების ჩატარებას უკავშირდება.
როგორც „ჯი-ეიჩ-ენს" კომპანიიდან აცნობეს, ელექტრომომარაგება შეეზღუდებათ გურამიშვილის გამზირის (ნაწილობრივ), ბეჟანიშვილის, ცოტნე დადიანის, ჭყონდიდელის, ახალდაბის, გოგაშენის და მიმდებარე ქუჩების მაცხოვრებლებს.
სარემონტო სამუშაოების დამთავრებისთანავე მომხმარებლებს ელექტროენერგიის მიწოდება აღუდგება.
