საკვების ადგილზე მიტანას, ამიერიდან კომპანია "სმართ სერვისი" განახორციელებს.
კომპანიამ მუშაობა დღეიდან დაიწყო და მენეჯმენტი საწყის ეტაპზე დღეში 20-მდე შეკვეთას ელოდება, რომელიც შემდგომ 50-მდე გაიზრდება.
კომპანიის დირექტორის ბესიკ კურტანიძის განმარტებით, ასეთი სერვისით ბაზარზე დღეს არც ერი კომპანია არ ოპერირებს. მისივე ინფორმაციით, ამ დროისათვის ბაზარზე არიან საკურიერო კომპანიები, რომელებიც მხოლოდ საკვები პროდუქტების გადატანაზე არ არიან ორიენტირებულნი და ასევე ცალკეულ რესტორნებს გააჩნიათ ბინაზე მიტანის სერვისი, თუმც ცენტრალიზებულად ასეთ სერვისს მოსახლეობას არც ერთი კომპანია არ სთავაზობს.
კომპანიის მენეჯმენტის განმარტებით, კლიენტს საშუალება აქვს შეუკვეთოს ნებისმიერი კერძი ან საკვები პროდუქტი, ნებისმიერი რესტორნიდან ან სავაჭრო ობიექტიდან ერთ ტელეფონის ნომერის საშუალებით: *3663 (*FOOD) ასევე შესაძლებელია დარეკვა და ნებისმიერი კერძის შეკვეთა სტანდარტულ ნომერზე: (822) 309 366.
"სმართ სერვისის" დირექტორის ბესიკ კურტანიძის თმით, პროდუქტების მიტანა ხორციელდება უმოკლეს დროში, სპეციალური თერმო კონტეინერებით, რათა საკვებმა მაქსიმალურად შეინარჩუნოს პირვანდელი ტემპერატურა.
"საკვების მიტანისას კურიერი წარადგენს სავაჭრო ობიექტის მიერ გაცემულ ქვითარს. ქვითარში მითითებულ თანხას ემატება კურიერის მიერ გაწეული სამსახურის საფასური, რომელიც განისაზღვრება ტერიტორიული პრინციპით.
მომსახურების ტარიფი კი თბილისის ცენტრალურ უბნებში - 10 ლარი ლარითა განსაზღვრული, თბილისის გარეუბნებში - 15 ლარით და თბილისის შემოგარენში - 25 ლარით"- აცხადებს კურტანიძე.
კურტანიძე აცხადებს, რომ ნებისმიერ რესტორნიდან ან სავაჭრო ობიექტიდან საკვების მიტანის სერვისით (Food Delivery Service from any restaurant or food spot) სარგებლობაზე მოთხოვნა არსებობდა, სწორედ ამან უბიძგა მენეჯმენტს მოსახლეობისათვის ასეთი სერვისი შეეთავაზებინათ.
"ბუნებრივი მოთხოვნა არსებობდა. ნებისმიერი რესტორნიდან ადგილზე მიტანის სერვისი არ არსებობდა. ხშირად ოფისებში ადამიანებს უნდათ საკვები მიიღონ, თუმც არ გააჩნიათ ცენტრალიზებული ინფორმაცია ამა თუ იმ რესტორანში მენიუების შესახებ, რასაც ჩვენ მათ სოციალური ქსელის "ფეისბუკის" (http://www.facebook.com/StarFood?sk=info) საშუალებით ვთავაზობთ. ჩვენი სერვისის მეშვეობით ვეცდებით ცენტრალიზებულად დავაკმაყოფილოთ ადამიანების მოთხოვნა"- აცხადებს "სმართ სერვისის" დირექტორი ბესიკ კურტანიძე.
