ქვეყანაში მონაცემთა გაცვლის სააგენტო იქმნება. აღნიშნულთან დაკავშირებთ მთავრობამ საკანონმდებლო ინიციატივა "ინფორმაციის ერთიანი რეესტრის შესახებ" პარლამენტს უკვე წარუდგინა.
კანონპროექტის თანახმად, სახელმწიფო ხელისუფლების ორგანოებში (ადმინისტრაციული ორგანო, სამედიცინო და ავტორიზებული საგანმანათლებო დაწესებულება) არსებული და შექმნილი მონაცემთა ბაზების, რეესტრის, საინფორმაციო სისტემებისა და მომსახურების ერთიანი კატალოგი - "ინფორმაციის ერთიანი რეესტრი" შეიქმნება.
კანონპროექტის მთავარ ნოვაციას და რეგულირების ძირითად სფეროს წარმოადგენს სახელმწიფო ხელისუფლების ორგანოს ვალდებულება, განახორციელოს მონაცემთა ბაზების, რეესტრების, საინფორმაციო სისტემებისა და მომსახურების რეგისტრაცია ერთიან რეესტრში დადგენილი ფორმის შესაბამისად, რომლითაც ასევე განისაზღვრება იმ ინფორმაციის ზუსტი ჩამონათვალი, რომელიც რეესტრს უნდა მიეწოდოს.
გარდა ამისა, საჯარო სექტორში არსებული მონაცემთა ბაზების, რეესტრების, საინფორმაციო სისტემების და მომსახურების მნიშვნელოვანი ცვლილებების, გავრცობის, კომბინირების, გაუქმების, განადგურების, არქივირების და გადაცემის შეტყობინების ვალდებულება რეესტრის მართვასა და შენარჩუნებაზე პასუხისმგებელი ორგანოა - მონაცემთა გცვლის სააგენტო.
აღსანიშნავია, რომ ინფორმაციის ერთიან სახელმწიფო რეესტრში არ შედის და არ მუშავდება მონაცემები კერძო სამართლის სუბიექტების მონაცემთა ბაზების, რეესტრების საინფორმაციო სისტემებისა და მომსახურების შესახებ.