იაპონიაში მიწისძვრის შემდგომ მარცვლეულზე ფასები შემცირდა. აღნიშნულის მიზეზი კი გახდა ის გარემოება, რომ იაპონია აშშ-დან მარცვლეულის ერთ-ერთ მსხვილ იმპორტიორად ითვლება. არსებული ვითარების გათვალისწინებით კი ქვეყანა მარცვლეულის შეძენა შეამცირა. სააგენტო "ბლუმბერგის" ინფორმაციით, იაპონია აშშ-დან ძირითადად სიმინდის მარცვლის იმპორტს ახორციელებს.
აშშ-ს მარცვლეულის საბჭოში მიიჩნევენ, რომ მიწისძვრა, მარცვლეულით ვაჭრობაში, გავლენას მოახდენს. იაპონია აშშ-დან ხორბლისა და ბრინჯის მეორე უმსხვილეს იმპორტიორად ითვლება.
უნდა აღნიშნოს, რომ ევროპაში მესამე დღეა ხორბალზე ფასი იკლებს. ლონდონში 1,3 %-იანი, პარიზში კი 2,1 %-იანი ვარდნა დაფიქსირდა. აშშ-ს ბირჟებზე სიმინდის ფასი 1,7 %-ით, ხოლო სოიოსი 3,8 %-ით შემცირდა.
