ნიუ იორკში, ბრონქსის რაიონში, ავტობუსი ბოძს დაეჯახა, რის შედეგადაც 14 ადამიანი დაიღუპა. როგორც CNN იუწყება, ავარაია მძღოლის მიერ მართვის კონტროლის დაკარგვამ გამოიწვია.
ავტობუსში სულ 31 მგზავრი იმყოფებოდა. 8 ადამიანი მძიმედ დაშავდა და ახლომდებარე კლინიკაში სასწრაფო მანქანების საშუალებით გადაიყვანეს.
მსუბუქად დაშავდა ავტობუსის მძღოლი. როგორც ექიმები აცხადებენ, მძღოლს სიცოცხლისთვის საშიში დაზიანებები არ მიუღია.
აღნიშნულ ფაქტზე ნიუ იორკის პოლიცია გამოძიებას აწარმოებს.