იაპონიის მთავრობა მოსახლეობას ერთად დგომისკენ მოუწოდებს. როგორც მინისტრებმა მთავრობის სხდომაზე განაცხადეს, იაპონელმა ხალხმა ყველაფერი უნდა გააკეთოს რადიაციის თავიდან ასაცილებლად.
როგორც იაპონიის მთავრობის წარმომადგენლები აცხადებენ, ისინი ცდილობენ ზარალის რაოდენობა დაადგინონ. იაპონური მედიის მტკიცებით, სტიქიის შემდეგ ქვეყნის ეკონომიკური მდგომარეობა მნიშნელოვნად გაუარესდება, რაც მსოფლიო ეკონომიკაზეც ჰპოვებს ასახვას.
იაპონიაში მომხდარი მიწისძვრის შედეგად დაღუპულთა რიცხვმა, შესაძლოა, 10 ათასს მიაღწიოს. განცხადება ამის შესახებ სტიქიის შედეგად ყველაზე დაზარალებული მიამის პრეფექტურის მილიციის უფროსმა ნაბუტო ტაკეუტიმ დღეს გამართულ პრესკონფერენციაზე გააკეთა.
შეგახსენებთ, რომ იაპონიაში 9.0 ბალის სიმძლავრის მიწისძვრა 11 მარტს მოხდა, რამაც ცუნამიც გამოიწვია. გარდაცვლილთა და დაკარგულთა ზუსტი რაოდენობა ჯერჯერობით დაზუსტებული არ არის. დაკარგულად ითვლება ათასობით ადამიანი.