"იბერმით ჯორჯია", რომელიც ხორც-პროდუქტების ბაზარზე "იბერულას" ბრენდითაა წარმოდგენილ, ქსელის გაფართოებას გეგმავს. კომპანია ინვესტიციების მოზიდვაზე მოლაპარაკებას საერთაშორისო საფინანსო ინსტიტუტებთანაც აწარმოებს. კომპანიის ხელმძღვანელობა აცხადებს, რომ ხორცპროდუქტების ბაზარზე მონოპოლიას არ ფლობენ და არც მცხეთა-მთიანეთის სამხარეო რწმუნებულთან აქვთ კავშირი, როგორც ამას ოპოზიცია აცხადებს. რა გეგმები აქვს "იბერმით ჯორჯიას" და როგორ იგეგმება "იბერულას" ქსელის ზრდა, დეტალებზე სასაუბროდ სააგენტო "ჯი-ეიჩ-ენი" "იბერმით ჯორჯიას" გენერალურ დირექტორს დავით ბარაბაძეს დაუკავშირდა.
- ჩვენ პროდუქციას ქართველი გლეხისგან ვიბარებთ და შესაბამისად ხორცზე ფასიც გლეხების მიერაა არის ნაკარნახევი. რთულია იმაზე საუბარი, რა იქნება ხვალ, დღეს ხორცის ღირებულება ცოტათი აწეულია. თუმცა როგორც წესი, ხორცის ფასი მაისიდან რეგულირდება და დაბლა ჩამოდის.
_ გაგახსენებთ სოფლის მეურნეობის მინისტრის განცხადებას, რომელმაც თქვა, რომ "იბერულაში" პროდუქცია საკმაოდ კონკურენტუნარიან ფასებში გაიყიდება და შედარებით იაფი იქნება. თუმცა ზოგჯერ სხვადასხვა სუპერმარკეტში ხორცის ფასი უფრო იაფია, ვიდრე "იბერულას" ქსელში.
_ "იბერულას" ქხელში, დღესაც, ხარისხთან შედარებით, ფასები ბევრად დაბალია. "იბერულა" ეს არის ბრენდი და ჩვენ პასუხს ვაგებთ ჩვენთან გაყიდული პროდუქციის ხარისხზე. მტკიცებას ვერ დავიწყებ იმ მარტოხელა მაღაზიებზე, სადაც პროდუქციის შემოწმება მიმდინარეობს, თუმც ეს ჩემი საქმე არ არის. თუ გადავავლებთ თვალს სხვა ქსელებში არსებულ ფასებს, "იბერულაში" ხორცის ფასი ბევრად იაფია, დაახლოებით 1-2 ლარით მაინც.
_ როგორია ფასების ზრდის დინამიკა და ზოგადად ხორცზე არსებული მოთხოვნა მიწოდებას თუ აბალანსებს?
_ თავად დარგი არის სეზონური. ფასები მცირეა, დაახლოებით აგვისტო-სექტემბრიდან ახალ წლამდე. თუმცა იანვრიდან დაახლოებით აპრილის ბოლომდე ხორცის ფასი იზრდება და ამ პერიოდში ხორცზე ფასი პიკს აღწევს. წლევანდელი წელი გამონაკლისი არ არის და მაისიდან ფასების დასტაბილურება დაიწყება. სექტემბრიდან ექვსი თვის განმავლობაში გლეხი ყიდის საქონელს, რაც ამოსაყიდია, ზოგს სასაკლაოზე აბარებს და ზოგსაც ხორცად. შემდგომ ხდება იმ საქონლის შენახვა, რომელსაც უნდა გამოაზამთრებინონ. ამ პერიოდში რქოსანი პირუტყვის რაოდენობა კლებულობს და ფასებიც ამიტომ იმატებს. გლეხიც შესაბამისად ძვირად აბარებს ხორცს სასაკლაოს.
_ საპარლამენტო ოპოზიციაში ხშირად აცხადებენ, რომ "იბერულა" ხორცის ბაზარზე არის მონოლოპისტი და შესაბამისად სწორედ თქვენ ჰკარნახობთ ბაზარს ფასს.
_ ეს არის უპასუხისმგებლო განცხადება, რადგანაც ვიდრე რაღაცას იტყვი ჯერ დარგის სპეციფიკაში უნდა გაერკვე. მონოპოლისტი ამ დარგში ვერ გახდები, რადგანაც დღეისთვის ქვეყნის მაშტაბით 22 რეგისტრირებული სასაკლაო ფუნქციონირებს. გარდა სასაკლაოებისა, ბაზარზე სხვა ე.წ. მეწარმეებიც ოპერირებენ. თუმცა, მათთგან განსხვავებით, ჩვენ გადასახადებს ვიხდით. სახელმწიფომ გამოიჩინა ლოიალობა და მათ საშუალება ეძლევათ ბაზარზე ჩვეულებრივად იმოქმედონ და ჩვეულებრივად იოპერირონ. მეტსაც გეტყვით, რომ არა ჩვენ და ჩვენი საფასო პოლიტიკა, ხორცის ფასი გაცილებით სპეკულატურული იქნებოდა და შესაბამისად უფრო ძვირიც. ჩვენ ამ მიმართულებით, ერთგვარი ღვედიც ვართ.
_ ანუ ამ მიმართულებით "იბერმით ჯორჯია" რა ღონისძიებებს ატარებს და "ღვედის" ფარგლებში რა კეთდება?
_ კომპანიაში გვაქვს კონკრეტულად ჩამოყალიბებული საფასო პოლიტიკა. ჩვენ ვმუშაობთ არა არადეკვატურ, არამედ მინიმალურ მარჟაზე. ეს არის ელემენტარული კონკურენცია, როდესაც მე მაღალი სერვისისა და ხარისხის პირობებში მაქვს დაბალი ფასი და სხვა არაადეკვატურად მაღალ ფასს ვერ დაადებს. ისიც ძალაუნებურად იძულებული ხდებიან, ჩვენს ფასამდე ჩამოვიდეს. "იბერულას" საკმაოდ ლოიალური და ერთგული კლიენტი ჰყავს, რომელიც ჩვენთან ურთიერთობით კმაყოფილია და ასეთი ხალხის რაოდენობა თანდათან იზრდება, რაც გულისხმობს იმას, რომ ჩვენი გუნდის მიერ წარმებული პოლიტიკა წარმატებით ხორციელდება.
_ აზრთა სხვადასხვაობაა "იბერმით ჯორჯიას" დამფუძნებლებთან დაკავშირებით. 11 მარტს ლეიბორისტებმა გამართეს აქცია და მცხეთა-მთიანეთის სამხარეო რწმუნებული, ცეზარ ჩოჩელი "იბერმით ჯორჯიას დამფუძნებლად და მის ლობისტად დაასახელა.
_ დღეს ნებისმერი ინფორმაცია არის საჯარო. ნებისმერი ადამიანს შეიძლია შევიდეს საჯარო რეესტრის ეროვნული სააგენტოს საიტზე და კომპანიების დამფუძნებლების შესახებ დეტალური ინფორმაცია მიიღოს. კომპანიას ჰყავს სამი დამფიძნეველი: გრიგოლ ლომიძე, ანტონ ინგოროყვა და თენგიზ მეზურნიშვილი, რომელთაც მეგობრობაც კი არ აკავშირებთ ცეზარ ჩოჩელთან.
_ რაც შეეხება "იბერმით ჯორჯიას" სამომავლო გეგებს, რა რაოდენობის "იბერულას" მაზაღია გაიხსნება თბილისში? თუ აპირებთ რეგიონებში გასვლას და ხომ არ ფიქრობთ, რომ პროდუქცია დაახარისხოთ და ექსპორტიც გაზარდოთ?
_ თბილისში 15 აპრილამდე ჩვენი მაღაზიათა ქსელი ათამდე გაიზრდება, ხოლო წლის ბოლომდე ვაპირებთ, რომ თბილისში "იბერულას" მაღაზიათა ქსელის, რაოდენობა 15-იდან 20-მდე გაიზარდოს. ზაფხულში კი მაღაზიების გახსნას ბათუმში, ქუთაისსა და სხვა ქალაქებშიც ვგეგმავთ. რაც შეეხება ექსპორტს: როდესაც ქარხანა გაიხსნა, ის იმდენად მაღალი ხარისხისაა, რომ იდეაშივე იდო - "იბერულას" პროდუქცია ექსპორტზე უნდა გასულიყო. თუმცა ჯერ დამაყოფილდება ქართული ბაზარი და მომხმარებელი და შემდგომ გავა ექსპორტზე.
_ ქსელის გაფართოებას სათანადო ინვესტიციაც ესაჭიროება. თანხის მოძიებაზე აწარმოებთ მოლაპარაკებას სხვადასხვა ფინანსურ ინსტიტუტებთან, თუ დამფუძნებლებს აქვთ სათანადო კაპიტალი?
_ ამ ეტაპზე ურთიერთობა გვაქვს "ვითიბი ბანკთან" და არის შიდა რესურსიც. ვცდილობთ, მოზიდული რესურსი შედარებით იაფი იყოს და ამიტომ მოლაპაარკებები დავიწყეთ საერთაშორისო ორგანიზაციებთანაც. მოლაპარეკება გვაქვს "ოპიკთან" და IFC-თან. როგორც წესი აღნიშნული ორგანიზაციები დიდი ბიუროკრატიულობით გამოირჩევიან და შესაბამისად გადაწყვეტილების მიღება დროში იწელება. თუ ჩვენი ინტერესები დაემთხვევა, მათ რესურსს გამოვიყენებთ.
"ჯი-ეიჩ-ენი", ესაუბრა მაია არაბიძე
