ევროპულ და ევროატლანტიკურ სტრუქტურების ინტეგრაციის საკითხებში სახელმწიფო მინისტრი გიორგი ბარამიძე საქართვეოს მიერ რუსეთთან სახმელეთო საზღვრის გადაწევის შესახებ მოსკოვის ბრალდებებს "გამოგონილს" უწოდებს.
"რუსეთისგან პროვოკაციულ განცხადებებს მიჩვეულნი ვართ. მათ ასეთი გამოგონილი ამბებით სურთ დაძაბონ ჩვენს ქვეყანასთან ურთიერთობა. ეს არის არაცივილიზებული და საკმაოდ აგრესიული ნაბიჯი", - განუცხადა ბარამიძემ ჟურნალისტებს აღნიშნულ საკითხზე კომენტირებისას.
მისივე შეფასებით, სწორედ ასეთივე გამოგონილი მიზნებით მოქმედებს რუსეთი ჩრდილოკავკასიაში ვითარების "დასარეგულირებლად".
შეგახსენებთ, რომ რუსული მედიით გავრცელბეული ინფორმაციით, ფედერაციის ხელისუფლების უმაღლეს პირებს ეჭვი აქვთ რომ საქართველომ რუსეთთან სახმელეთო საზღვარი რამდენიმე კილომეტრით გადასწია.
