პრემიერ-მინისტრ ნიკა გილაურის შეფასებით, მსოფლიო ინვესტორებისთვის საქართველო კიდევ უფრო მიმზიდველი ქვეყანა გახდა, - მთავრობის ხელმძღვანელს აღნიშნული განცხადების საფუძველს სარეიტინგო კომპანია Fitch Ratings-ის მიერ გამოქვეყნებული რეიტინგი აძლევს, რომლის მიხედვითაც კომპანიამ საქართველოს საკრედიტო რეიტინგი გაზარდა.
"Fitch ეს არის სამიდან ერთ-ერთი კომპანია, რომელიც სხვადასხვა ქვეყნების საკრედიტო რეიტინგებს განსაზღვრავს. ძალიან მნიშვნელოვანია საქართველოს საკრედიტო რეიტინგის გაზრდა იმ ფონზე, როცა ქვეყნების უმეტესობას მათ შორის ევორპის სახელმწიფოებსაც ეს რეიტინგი შეუმცირეს. ეს ნიშნავს იმას, რომ საქართველო მსოფლიო ინვესტორებისთვის კიდევ უფრო მიმზიდველი გახდა" - განმარტა გილაურმა.
ამასთან პრემიერ-მინისტრის თქმით, Fitch მიერ საქართველოს საკრედიტო რეიტინგის გაზრდა როგორც სახელმწიფოს ისე კერძო ბიზნესს შესაძლებლობას მისცემს საერთაშორისო საფინანსო ორგანიზცაიებიდან თანხები უფრო მარტივად მოიზიდოს.
შეგახსენებთ, რომ საერთაშორისო სარეიტინგო სააგენტო Fitch Ratings-მა ემიტენტის (ფასიანი ქაღალდი) დეფოლტის გრძელვადიან რეიტინგებთან დაკავშირებით საკუთარ პროგნოზს გადახედა და საქართველოს უცხოურ და ადგილობრივ ვალუტასთან მიმართებაში B+ მიანიჭა. და სტაბილურობიდან პოზიტიურამდე აწია. ამავდროულად სააგენტომ უცხოურ ვალუტასთან მიმართებაში ქვეყნისმოკლევადიანი ემიტენტიც დაამტკიცა და B კატეგორია მიანიჭა.
ვოლ სთრით ჯორნალი წერს, რომ საქართველოში ეკონომიკური აღმავლობაა. Fitch-ის პროგნოზით, 2010 წელს ქვეყნის მთლიანი შიდა პროდუქტის ზრდამ 6,5 პროცენტი შეადგინა. ამას გარდა ექსპერტები ელოდებიან, რომ 2011 და 2012 წლებში ეს მაჩვენებელი შესაბამისად 5 და 6 პროცენტით მოიმატებს.
სააგენტოს ანალიტიკოსები თვლიან, რომ საქართველოში პოზიტიურ მაკროეკონომიკურ ფონზე ბიუჯეტის კონსოლიდაცია უნდა გაგრძელდეს. 2010 წელს მთლიანი შიდა პროდუქტის დეფიციტი 6,6 % შემცირდა. მაშინ როცა, ერთი წლით ადრე ამ მაჩვენებელმა 9, 2 % იკლო. საქართველოს ხელისუფლება 2011 წლისთვის ამ მაჩვენებლის 3,9 % შემცირებას გეგმავს. ხოლო 2012 წელს კი 3,1 %. ამის გაკეთებას კი მთავრობა ხარჯების შემცირების გზით აპირებს. Fitch-ის აზრით, ძალიან მაღალია იმის ალბათობა, რომ საქართველო შეძლებს ამ გეგმის განხორციელებას. თუმცა სააგენტო აღნიშნავს, რომ ქვეყნის დეფიციტი 2005 წლიდან 2009 წლამდე უწყვეტად მატულობდა.
საქართველოში პოლიტიკური რისკი ბოლო წელიწადნახევრის განმავლობაში შემცირდა. ასევე შემცირდა ქვეყნის შიგნით პოლიტიკური დაძაბულობაც.
Fitch-ს შეუძლია საქართველოში რეიგინტების მომატება, იმ შემთხვევაში, თუ ქვეყანა სახელმწიფო ბიუჯეტის დეფიციტის შემცირებას მნიშვნელოვნად შეძლებს. და ასევე მოახერხებს მთლიანი შიდა პროდუქტის სახელმწიფო ვალის კოეფიციენტის დასტაბილურებას.
